სრული ეკოსისტემა
პროდუქტი, გაყიდვები და 300,000+ მომხმარებელი
- აპლიკაცია და შეთავაზებების პროგრამა;
- ცენტრალიზებული მარკეტინგი;
- პროგრამული მხარდაჭერა და ანალიტიკა.
გახსენი და მართე საკუთარი ობიექტი MEAMA-ს ბრენდით და სტანდარტებით. განავითარე ბიზნესი ჩვენი გუნდის მხარდაჭერით.
ინდივიდუალური შეფასებისა და შეთანხმების შემდეგ შეღავათი შეიძლება დამატებით 3 თვემდე გაგრძელდეს. შეღავათის შემდეგ · ბრუნვა დღგ-ის გარეშე. 20,000 ₾-ის ჩათვლით ბრუნვაზე იხდი მხოლოდ 500 ₾-ს თვეში. 20,000 ₾-ზე მეტი ბრუნვისას როიალთი იზრდება ბრუნვის პროპორციულად.

ქსელის ზოგად რეკლამას MEAMA აფინანსებს. შენი ლოკაციის დამატებითი სარეკლამო კამპანიები შენი ბიუჯეტით ხორციელდება. როიალთი ითვლება თვიური ბრუნვიდან დღგ-ის გარეშე. ეს ცალკე გადასახადია: გახსნისა და მუშაობის სხვა ხარჯები მასში არ შედის.
პირველი 3 თვე როიალთის გარეშე
20,000 ₾-ის ჩათვლით ბრუნვაზე იხდი მხოლოდ 500 ₾-ს თვეში.
20,000 ₾-ზე მეტი ბრუნვისას როიალთი იზრდება ბრუნვის პროპორციულად.
პროდუქტი, გაყიდვები და 300,000+ მომხმარებელი
ყველაფერი რაც გჭირდება წარმატებისთვის
ყველა გემოვნებასთან ადაპტირებული პროდუქტები
შენ მიერ მოძიებული ფართი და იჯარა მესაკუთრესთან. რემონტის, მოწყობის, ავეჯისა და ბრენდირების ბიუჯეტი. აღჭურვილობა შეძენით ან საგარანტიო დეპოზიტით. სარეალიზაციო პროდუქციის ღირებულება. გასაყიდი პროდუქციის პირველი შეკვეთა, რომლის ოდენობასაც თავად განსაზღვრავ. უნიფორმები და ობიექტის ყოველდღიური მართვა.
შეიძინე ობიექტისთვის საჭირო აღჭურვილობა სრული ღირებულებით. საწყისი გადახდა: აღჭურვილობის სრული ღირებულება.
განათავსე აღჭურვილობის სრული ღირებულების დეპოზიტი. თანამშრომლობის დასრულებისას თანხა ბრუნდება ცვეთისა და შესაძლო ზიანის გამოკლებით. ცვეთისა და ჩამოჭრების დათვლის წესი ხელშეკრულებით განისაზღვრება.
ანგარიშსწორება შეკვეთისას. გასაყიდი პროდუქციის ღირებულებას შეკვეთისას ფარავ, პირველი შეკვეთის ჩათვლით. სავალდებულო მინიმუმის გარეშე. პირველი შეკვეთის ოდენობას თავად განსაზღვრავ, შენი ლოკაციისა და მოსალოდნელი გაყიდვების მიხედვით. სრული ასორტიმენტი. ობიექტზე წარმოდგენილი უნდა იყოს MEAMA-ს პროდუქციის სრული ასორტიმენტი.

მცირე ინვესტიცია, უნიკალური დიზაინი და სწრაფი ინსტალაცია. იდეალურია მოლებისთვის, ოფისებისთვის და მაღალგამტარი ზონებისთვის.

იდეალურია მაღალგამტარ, ურბანულ სივრცეებში. სრულყოფილად ერწყმის ქალაქის ინფრასტრუქტურას და მომხმარებელს აწვდის სწრაფ, გემრიელ და ხარისხიან სასმელებს.

იდეალურია გარე სივრცეებისთვის, საჭიროების შემთხვევაში შეიძლება გადაადგილება, რაც მას განსაკუთრებით გამოსადეგს ხდის სეზონურ ან დროებით ლოკაციებზე.

ეს უნიკალური კონცეფცია გათვლილია ზაფხულის სეზონზე. ვიზიტორებს ეძლევათ შესაძლებლობა დატკბნენ გამორჩეული ყავით, ჩაით და ველნეს კოქტეილებით ზღვის ფონზე.

ჰიბრიდული ფორმატი აერთიანებს Meama-ს სივრცეს და Collect-ს ერთ კონცეფციაში. მომხმარებელს სთავაზობს ეკოსისტემის სრულ ასორტიმენტს და დასასვენებელ სივრცეს.
ბრენდირებული დიზაინი, სივრცის მოწყობა შენი ხედვით;
შეავსე განაცხადი და ჩვენი გუნდი დაგიკავშირდება. პარტნიორობა იწყება საუბრით.
ეს არის მსოფლიოში აღიარებული დიზაინისა და წარმატების მაგალითი, რომელსაც ახლა შენ აგრძელებ
წაიკითხე Architizer-ზეპასუხები კითხვებზე, რომლებიც გადაწყვეტილების მიღებაში დაგეხმარება.
პარტნიორობის საბოლოო პირობები წერილობით ხელშეკრულებებში განისაზღვრება, იჯარის, სურსათის, შრომისა და მონაცემთა დაცვის მოთხოვნების შესაბამისად.
საწყის ბიუჯეტში გაითვალისწინე ფართის ქირა, მესაკუთრესთან შეთანხმებული ავანსი და დეპოზიტი, რემონტი, მოწყობა, ავეჯი, საფირმო აბრა და უნიფორმები.
აღჭურვილობისთვის ირჩევ შეძენას სრული ღირებულებით ან სრული ღირებულების საგარანტიო დეპოზიტს. ეს აღჭურვილობის დეპოზიტია და განსხვავდება იჯარის დეპოზიტისგან.
ბიუჯეტში უნდა შევიდეს სარეალიზაციო პროდუქციის ღირებულებაც: გასაყიდი პროდუქციის ღირებულებას შეკვეთისას ფარავ, პირველი შეკვეთის ჩათვლით. პირველი შეკვეთის ოდენობას თავად განსაზღვრავ.
პირველი 3 თვის შეღავათი მხოლოდ როიალთს ეხება. სხვა ხარჯები შენს პასუხისმგებლობაში რჩება.
შეგიძლია დაამატო ადგილობრივ მოთხოვნაზე მორგებული, ნებადართული და არაკონკურენტი პროდუქცია. მისი ხარისხი წინასწარ უნდა დამტკიცდეს.
მზა საკვების მწარმოებელსა და მომწოდებელს უნდა ჰქონდეთ კანონით მოთხოვნილი დოკუმენტები. საწარმო უნდა აკმაყოფილებდეს სანიტარიულ ნორმებს.
MEAMA-ს პროდუქციასა და სავალდებულო ინგრედიენტებს მხოლოდ MEAMA-სგან შეიძენ. შესაბამის სიას ცალკე მიიღებ.
დამტკიცებული დამატებითი პროდუქციის შესყიდვისთვის ორი გზა გაქვს:
პირდაპირ დისტრიბუტორისგან. პროდუქციას ყიდულობ დამტკიცებული დისტრიბუტორისგან, რომელიც მას პირდაპირ შენს ობიექტზე მოგაწვდის.
MEAMA-ს მეშვეობით. შეკვეთის საფასურს უხდი MEAMA-ს. პარტნიორი დისტრიბუტორი პროდუქტს პირდაპირ ობიექტზე მოგაწვდის.
იპოვე უკეთესი ფასი? შეგვატყობინე, რათა ამ შესაძლებლობით მთელმა ქსელმა ისარგებლოს.
ფართს შენ ეძებ და მესაკუთრესთან პირობებს თავად ათანხმებ. ხელშეკრულებამდე MEAMA აფასებს მომხმარებელთა ნაკადს, კომერციულ პოტენციალსა და უსაფრთხოებას. თუ ფართი მოთხოვნებს აკმაყოფილებს, ვაგრძელებთ. სხვა შემთხვევაში საჭიროა ახალი ლოკაციის მოძიება.
იჯარის ხელშეკრულებას უშუალოდ მესაკუთრესთან აფორმებ. MEAMA იჯარის ხელშეკრულების მხარე არ არის. ქირას, ავანსსა და დეპოზიტს მესაკუთრესთან ერთად განსაზღვრავ.
რემონტსა და მოწყობას შენ აფინანსებ. სივრცე შეგიძლია საკუთარი გემოვნებით მოაწყო, MEAMA-ს სტანდარტების დაცვით.
ავეჯს თავად ირჩევ. ის უნდა აკმაყოფილებდეს ხარისხის სტანდარტებს და არ უნდა ჰქონდეს სხვა ბრენდების ლოგოები.
საფირმო აბრის ხარჯსაც შენ ფარავ. მისი ფასი განისაზღვრება ზომისა და დიზაინის მიხედვით.
ყველა თანამშრომელი ატარებს დამტკიცებულ უნიფორმას, რომელსაც MEAMA-სგან იძენ.
თუ იპოვი იდენტური ხარისხისა და სტანდარტის უნიფორმას უფრო იაფად, MEAMA მას ამ მომწოდებელთან მთელი ქსელისთვის შეუკვეთავს.
ობიექტი ყოველთვის სუფთა, მოწესრიგებული და MEAMA-ს სტანდარტების შესაბამისი უნდა იყოს. პროდუქციისა და მენიუს წარმოდგენა უნდა შეესაბამებოდეს ბრენდის ვიზუალურ სტანდარტებს.
ყველა ობიექტზე სავალდებულოა MEAMA-სთვის კამერების პირდაპირ ვიდეონაკადზე 24/7 წვდომა, უსაფრთხოებისა და სტანდარტების მონიტორინგისთვის.
კამერების გამოყენება უნდა შეესაბამებოდეს კონფიდენციალურობისა და მონაცემთა დაცვის მოთხოვნებს.
ქსელის ზოგად რეკლამასა და აქციებს MEAMA აფინანსებს. საერთო კამპანიები, განსაკუთრებით ფასდაკლებები, ყველა პარტნიორთან თანხმდება.
შენი ლოკაციის დამატებითი სარეკლამო კამპანიები შენი ბიუჯეტით ხორციელდება.
MEAMA-ს გუნდი გაგიზიარებს პრაქტიკულ რჩევებს და დაგეხმარება ობიექტის განვითარებასა და ახალი შესაძლებლობების გამოყენებაში.